Gerard Bertrand Sauvignon Blanc Réserve Spéciale 2016

Sauvignon Blanc þrúgan var lengi vel fyrst og fremst þekkt fyrir hvítvín frá sínum hefðbundnu heimaslóðum í Loire-dalnum í Mið-Frakklandi en einnig í Bordeaux. Smám saman hefur hún numið land um allan heim og þar með talið einnig um suðurhéruð Frakklands. Í sólinni og hitanum í Languedoc þróast hún og þroskast auðvitað með öðrum hætti en við bakka Loire, þó svo að í suðrinu séu ekrurnar í hæstu hæðum til að tempra loftslagið. Þetta vín er fallega ljósgult á lit, þroskaður sítrus og suðrænir ávextir í nefi, melónur. Nokkuð feitt og mjúkt í munni en einnig með nægilega mikla sýru til að skerpa aðeins á því og gefa víninu þægilegan ferskleika.

80%

2.299 krónur. Frábær kaup.

  • 8