Alta Vista Premium Estate Chardonnay 2015

Alta Vista er vínhús í Mendoza í Argentína sem var upphaflega stofnað undir lok nítjándu aldar en hefur verið í franskri eigu síðustu áratugi og hafa Frakkarnir fjárfest mikið í nýjum vínvið og tækni í víngerðinni. Þetta er dýrari útgáfan af Chardonnay-víninu sem hér er fáanleg, hið prýðilegasta Nýja-heims Chardonnay, fölgult með suðrænum, sætum ávexti í nefi, ananas, ferskjur en einnig gul epli og sítrusbörk. Það er ágætlega þykkt og ferskt, opið, ávöxturinn tær, eik mild.

80%

2.690 krónur. Frábær kaup.

  • 8