Valparaiso Roble 2016

Bodegas Valparaiso er eitt af mörgum nýjum vínhúsum í Ribera del Duero. Það hóf rekstur um aldamótin í bænum Quintana del Pidio og er því að nálgast tvítugsaldurinn. Valparaiso á um 70 hektara af ekrum þar sem Tempranillo-þrúgan eða Tinta del Pais eins og hún er nefnd í Ribera.

Ribera-vín sem eru nefnd Roble (sem þýðir eik) eru yfirleitt einföldustu og yngstu vín vínhúsanna. Þetta Roble frá Valparaiso er dimmrautt,  eikin áberandi í nefi, vanilla og kókos, vínið er mjúkt og þægilegt, ávöxturinn rauður, mjúkur og hefur góðan þroska og þokka.

Deila.