Chateau l’Hospitalet La Clape 2019

Vínbúgarðurinn Chateau l’Hospitalet er rétt utan við bæinn Narbonne í suðurhluta Frakklands á víngerðarsvæði sem nefnist La Clape. Landslagið er stórbrotið á þessu svæði, bergið (klöppin) rís  tignarleg upp yfir Miðjarðarhafið og utan við vínekrurnar eru hávaxin furutré og lággróður, það sem Frakkar kalla garrique, vilt rósmarín, timjan og lavender. Angan gróðursins magnast upp í sólinni og oft má einnig greina þessa kryddjurtatóna í vínum Languedoc.

Reserve-vínið er hið fyrsta af þremur vínum sem koma frá húsinu, töluvert dýrari eru stóra vínið Grand Vin og ofurvínið l’Hospitalitas. Eins og flest önnur vín Gerards Bertrands eru vín Hospitalet gerð úr lífrænt ræktuðum og lífefldum þrúgum.

Liturinn er dimmrauður og djúpur, bjartur, sætur, dökkur og kryddaður berjaávöxtur í nefi, bláber og plómur, lavender og mildur reykur, þétt, míneralískt, með kröftugum, fínlegum tannínum.

90%

3.699 krónur. Frábær kaup. Með lambakjöti og mildri villibráð.

  • 9
Deila.