Volpaia er lítið þorp rétt norður af Radda í miðju Chianti Classico-svæðisins sem lengi vel var umlukið virkisvegg eða það sem á ítölsku er kallað terra murata. Þó svo að það standi ekki mikið eftir af virkisveggnum í dag þá er þorpið einstaklega fallegt og vel varðveitt. Ekrur Castello di Volpaia eru með þeim hæstu í Chianti, í allt að 600 metra hæð yfir sjávarmáli, og þarna hafa verið ræktuð vín öldum saman. Ræktunin í dag er lífræn og þetta vín hefur lengi verið í miklu uppáhaldi hjá okkur og því ánægjulegt að sjá það hér á landi. Blandan er 90% Sangiovese og 10% Merlot. Ferskur, sætur og rauður berjaávöxtur, blómaangan, skógarbotn og villtar kryddjurtir. Áferðin er þurr, fersk og björt, þægileg sýra og stíf tannín sem halda utan um vínið.
3.794 krónur. Frábær kaup. Með risotto eða pastasósum með kjöti.
-
9
