Protos Reserva 2015

Bodegas Protos í Ribera del Duero varð til fyrir tæpri öld er hópur vínræktenda ákvað að taka höndum saman og framleiða vín undir sömu merkjum. Vínhúsið setur í dag verulegan svip á vínhéraðið, bæði í ljósi umsvifa en ein einnig í bókstaflegri merkingu með víngerðarhúsi teiknuðu af Richard Rogers sem líklega er þekktastur fyrir Centre Pompidou-bygginguna í París. Byggingarnar setja mark á umhverfi sitt og þetta er það vínhús sem dregur til sín flesta gesti í héraðinu ár hvert.

2015 árgangurinn af Protos er sígildur og tignarlegur, þrúgurnar koma af ekrum á Burgos svæðinu og vínviðurinn er rúmlega hálfrar aldar gamall. Liturinn er dökkur og djúpur, enn ungt að yfirbragði, dökkur, heitur og þroskaður ávöxtur í nefi, þykkur kryddhjúpur með vanillu og vott af kókos og lakkrís. Strúktúrinn er þéttur, kröftug, mjúk tannín, áberandi míneralískt. Gefið góðan tíma til að opnast.

100%

4.890 krónur. Frábær kaup. Hörkuflott rauðvín fyrir nautasteikina.

  • 10
Deila.