Þessi uppskrift að eplaköku eða Torta di Mele er suður-ítölsk að uppruna og er tilvalið að setja hana í ofninn um það leyti sem aðalrétturinn er borinn fram ef ætlunin er að bjóða upp á hana sem eftirrétt.
- 6 dl hveiti
- 200 g smjör
- 2 dl mjólk
- 1 dl heimatilbúið brauðrasp
- rifinn börkur af 1 sítrónu
- 1 msk lyftiduft
- 3 egg
- 100 g sykur
- 1 msk ólívuolía
- 1 tsk vanilludropar
- 1/4 tsk salt
- 750 g epli (Jonagold eða Granny Smith)
Aðferð:
Hitið ofninn í 190 gráður.
Flysjið eplin, kjarnhreinsið og skerið í þunnar sneiðar.
Smyrjið ofnfast form (13×9 tommur) með smjöri og sáldrið brauðraspinu yfir þannig að það þekji botni og hliðar formsins.
Blandið saman hveiti, salti og lyftidufti í stórri skál.
Setjið 150 g af smjörið og mjólkina í pott og hitið þar til smjörið hefur bráðnað.
Þeytið eggin með handþeytara og blandið 3/4 af sykrinum smám saman út í. Þeytið þar til blandan er orðin þykk og froðukennd. Bætið þá mjólkur- og sykurblöndunni saman við og þeytið vel saman við. Bætið loks við ólívuolíunni, vanilludropunum og rifna sítrónuberkinum.
Bætið loks hveitiblöndunni saman við.
Hellið í formið. Raðið síðan eplasneiðunum ofan í blönduna. Sáldrið afganginum af sykrinum yfir. Skerið síðustu 50 g af smjöri í þunnar sneiðar og dreifið yfir.
Bakið í rúmar 30 mínútur.
