Þessi uppskrift sem við fengum frá Chandriku Gunnarsson á Austur-Indíafjelaginu kemur frá Kerala-héraði í suðvesturhluta Indlands. Strandlengja Kerala er löng og um héraðið renna jafnframt fjölmargar ár og fljót. Fiskur og aðrir sjávarréttir eru því mjög algengir í matargerð Kerala.
Hér kemur enn ein sígild, ítölsk pastauppskrift. Sá ítalski veitingastaður er líklega vart til sem hefur ekki einhvern tímann verið með Spaghetti Carbonara í einhverri útfærslu á matseðli sínum. Þessi þykka pastasósa úr eggjum og osti ásamt beikoni er enda alveg hreint unaðsleg.
Það eru óreganó og sítróna sem stjórna bragðinu í þessum bragðmikla, suður-evrópska kjúklingarétti. Lykilatriði er að elda hann lengi þannig að kartöflurnar sjúgi í sig safann og kryddbragðið.
Þetta er kjarnmikill og haustlegur réttur þar sem beikon og spínat eru í aðalhlutverki. Hér erum við með svínakótilettu með spínatinu en það hentar einnig vel með t.d. lambakjöti og hreindýri.
Það þarf ekki mikið umstang til að breyta kartöflumúsinni í eitthvert besta meðlæti sem hægt er að fá með góðu kjöti. Það jafnast til dæmis fátt á við flotta primerib- eða ribeye-nautasteik með þykkri og mjúkri kartöflumús. Það er síðan hægt að bragðbæta hana með annaðhvort steinselju eða hvítlauksmauki.
Lime, chili og kóríander eru notuð í mörgum mexíkóskum réttum og þessi réttur er enginn undantekning. Það er mikið af chilipipar í þessu en það er ekkert að óttast. Ef hann er fræhreinsaður vel er hann ekkert hættulega sterkur þegar búið er að elda hann eða marínera með lime-safa.
Guacamole er líklega með þekktustu réttum mexíkóska eldhússins og nýtur gífurlegra vinsælda sem ídýfa og er einnig gott meðlæti með nokkrum réttum.
Þessi uppskrift er í anda sjávarþorpa Suður-Indlands, fiskurinn eldaður í þykku og bragðmiklu kókos-curry.
Þetta er hin sígilda indverska jógúrtsósa sem kælir vel kryddið í matnum.
Þennan rétt fengum við fyrst í matarboði á prófessorsheimili í vesturbænum fyrir um áratug og hefur hann reglulega ratað á diskana síðan.