Pommier Petit-Chablis 2007

Þetta sjarmerandi Petit-Chablis kemur frá hjónunum Isabelle og Denis Pommier sem stofnuðu lítið vínfyrirtæki í Chablis árið 1990. Þau ráða nú yfir 13 hektörum af vínekrum allt frá Petit-Chablis upp í vín í gæðaflokknum Premier Cru. Vínin þeirra hafa fengið mikið lof í gegnum árin og notið vinsælda hjá vínþjónum betri veitingahúsa víða um heim.

Pommier Petit-Chablis 2007 hefur mikinn ferskleika í nefi, angan af sítrónusafa og sítrónuberki ásamt apríkósum og „þvottapoka“, þ.e. smá brennisteinn. Lifandi og svolítið agressívt í munni með mjög sprækri sýru og sítrónuávexti, þarf mat til að tempra sig.

Reynið með laxi eða bleikju með þykkri sósu.

2.290 krónur