Það er mjög algengt að rekast á ítalska rétti sem eru sagðir vera að hætti veiðimannsins eða alla caccaiatora en þar er yfirleitt um að ræða rétti sem eru eldaðir með kryddjurtum í einhvern tíma. Hér er uppskrift að kjúklingarétt í þessum dúr.
1 kjúklingur, skorinn í 10 bita
1 laukur, saxaður
3 hvítlauksgeirar, fínsaxaðir
1 lárviðarlauf
2 dósir af heilum tómötum
2 grænar paprikur, niðursneiddar
100 g sveppir, niðursneiddir
2 dl rauðvín
ferskt timjan, 2-3 matskeiðar
steinselja
salt og pipar
Hitið olíu á stórri pönnu eða góðum pottjárnspotti. Setjið kjúklinginn, lauk og hvítlauk út í og brúnið. Hellið rauðvíninu út í og látið malla á í um tíu mínútur.
Bætið nú við tómötunum, sveppunum, lárviðarlaufi, timjan og saltið og piprið. Setjið lok á pönnuna og látið malla á vægum hita í 25-30 mínútur.
Setjið á fat eða diska og stráið fínsaxaðri steinselju yfir.
Einfalt en gott rauðvín á borð við Crasto eða Alamos Cabernet Sauvignon.
