Chili Mojito

Það er ekki bara á Íslandi sem að Mojito í hinum fjölbreyttustu útgáfum nýtur vinsælda. Þessa chili-heitu útgáfu setti Fleur Nitzsche hjá Che Group í Rotterdam saman fyrir Vínótekið.

2 þunnar skífur af rauðum chili (passið upp á að engin fræ fylgji með)

8-10 myntulauf

2 cl lime-safi

2 cl sykursíróp

3 cl Havana Club ljóst romm

2 cl De Kuyper Grand Orange eða Grand Marnier

Byrjið á því að setja chili-skífurnar í glasið og merjið. Bætið næst við myntulaufun, ekki merja þau. Setjið muldan klaka yfir þannig að hann fylli 2/3 af glasinu. Hellið limesafa, sírópi, rommi og Grand Orange í glasið. Hrærið vel með langri skeið. Fyllið með klaka og toppið upp með sódavatni.

Skreytið með myntulaufum og endanum á chlipiparbelg.

Það er svo hægt að breyta hlutföllum á milli síróps og limesafans allt eftir því hvað þið viljið mikla sýru/sætu.