Páska cupcakes

Það er endalaust hægt að leika sér með bollakökurnar. Hér er ein útgáfa fyrir páskana þar sem páskaegg leynast í grasinu.

Kökudeigið:

  • 225 g ósaltað smjör, mjúkt
  • 225 g sykur
  • 225 g hveiti
  • 1 tsk lyftiduft
  • 1 tsk vanilludropar
  • 4 egg

Kremið:

  • 375 g flórsykur
  • 225 g ósaltað smjör, mjúkt
  • 1 tsk vanilludropar
  • grænn matarlitur
  • klípa af salti
  • lítil súkkulaðiegg

Aðferð:

Hitið ofninn í 175 gráður

Setjið allt sem á að fara í kökudegið í skál og þeytið saman með handþeytara í um þrjár mínútur eða þar til deigið er orðið slétt og fínt.

Raðið múffuformum á bökunarplötu og skiptið deiginu á milli. Þetta er nóg í um 20 stórar bollakökur eða um 30 litlar.

Bakið í 20 mínútur. Takið út og leyfið að kólna.

Þeytið á meðan saman smjör, flórsykur, vanilludropa og salt með handþeytara þar til að kremið er orðið slétt og fínt. Bætið matarlitnum varlega saman við, nokkra dropa í einu þar til að þið hafið náð þeim lit sem þið viljið.

Smyrjið kreminu á kökurnar þegar þær hafa kólnað. Notið kremsprautu til að búa til litla „grastoppa“ úr kreminu. Leggið siðan lítil súkkulaðiegg í „grasið“ á hverri köku.

Deila.