Þessi bláberjakaka er svokölluð kaka á hvolfi. Hún er elduð í pönnu með karamelliseruðum sykurhjúp á botninum sem verður að stökkum og ljúffengum toppi þegar henni er snúið við.
Kökubotninn
2 dl hveiti
1 dl sykur
100 g marsipan
100 g smjör við stofuhita
3 egg
3 msk rifinn sítrónubörkur
1/4 tsk lyftiduft
1/4 tsk salt
Hjúpur
2 dl púðursykur
50 g smjör
3 dl fersk bláber
Aðferð:
Hitið ofninn í 180 gráður.
Kökuna er best að elda á þykkri steikarpönnu (gott er að nota non-stick) sem má fara inn í ofn. Hún þarf að vera um 20 sm í þvermál og með háar brúnir.
Hitið smjörið og púðursykurinn á pönnunni á miðlungshita. Hrærið vel í allan tímann eða þar til að blandan er farin að þykkna og freyða aðeins. Takið af hitanum og leyfið að kólna í um korter. Dreifið þá bláberjunum yfir sykurblönduna á pönnunni.
Blandið saman hveiti, sykri, salti og lyftidufti. Setjið marsipan, sítrónubörk og sykur í hrærivél og hrærið með hrærara í um eina mínútu. Bætið næst smjörinu við í nokkrum skömmtum út í hrærivélina. Næst eggjunum einu í einu og loks hveitiblöndunni. Hrærið áfram þar til deigið er orðið jafnt og fínt.
Hellið nú deiginu yfir bláberin á pönnunni og jafnið út með sleikju. Setjið í ofninn og bakið í um 45 mínútur.
Látið kökuna standa í 1-2 mínútur eftir að hún er komin út úr ofninum og skerið síðan meðfram kantinum á pönnunni með hnífi. Setjið kökudisk yfir pönnunna og snúið henni við.
Berið fram með berjum og þeyttum rjóma eða ís.
Gott desertvín er snilld með þessari köku.
