Þetta er sumarlegt kartöflusalat sem hentar vel með t.d grilluðum fiski eða kjúklingi.
- 600-800 g kartöflur
- 1 búnt steinselja, helst ítölsk flatlaufa (fjallasteinselja), fínt söxuð
- 1 lúka myntublöð, söxuð
- 1 dl furuhnetur, þurrristaðar
- 1 dl fetaostur, skorinn í bita
- 1/2 dl góð ólívuolía
- 2 msk gott edik, t.d. estragonedik eða balsamik
- 1 tsk karrí
- 1/2 tsk cayennepipar
- salt og pipar
Sjóðið kartöflurnar og skerið í bita. Leyfið að kólna.
Saxið steinselju og myntu, þurrristið hneturnar á pönnu.
Blandið saman olíu og ediki í stórri skál ásamt klípu af salti og pipar. . Bætið kryddjurtunum saman, þá kartöflunum og síðan fetaosti og hnetum. Kryddið loks með karrí og cayenne. Blandið saman og berið strax fram.
