Kahlúakökukeppnin var haldin á Hilton Nordica á dögunum í tengslum við hina árlegu vörusýningu Ísam og Mekka Wine & Spirits. Tugir bakara sendu inn kökur í keppnina, þeir höfðu algjörlega frjálsar hendur varðandi útfærsluna nema hvað að eitt af hráefnunum í kökunni varð að vera Kahlúa-líkjör.
Þegar upp var staðið var það Stefán Hrafn Sigfússon frá Mosfellsbakarí sem var hlutskarpastur og átti vinningskökuna, Thelma Rós Björgvinsdóttir frá Björnsbakarí á Austurströnd var í öðru sæti og Roland Kavalirek frá Icelandair Natura Hótel í því þriðja.
Dómnefndina skipuðu þau Ásgeir Þór Tómasson, fagstjóri baksturs hjá MK, María Guðmundsdóttir frá vinotek.is, Erlingur Valgarðsson, listmálari, Kristín Dröfn Einarsdóttir, Gestgjafanum og Þráinn Freyr Vigfússon, Kolabrautinni.
Kahlúakökukeppnin 2012
Deila.