Súkkulaðikonfekt með piparmyntu

Það er flott að geta boðið fram eigið konfekt með kaffinu og þessir súkkulaðimolar eru unaðslegir. Gott er að nota hjartalöguð sílikonform.

  • 300-400 grömm dökkt súkkulaði(70%)
  • 1 eggjahvíta
  • 500 grömm flórsykur
  • 1/2 dl rjómi
  • 15-20 dropar af piparmyntuolíu (fæst í Lifandi markaði)

Bræðið helminginn af súkkulaðinu og setjið í hitaþolið glas. Fyllið helming af silikonforminu með súkkulaði. Látið kólna i ísskáp á meðan þið gerið fyllinguna.

Hrærið saman eggjahvítu,brjóma og piparmyntuoliu. Blandið síðan flórsykri saman við þar til piparmyntumassinnn ero er orðinn þéttur. Bætið við fleiri dropum eftir smekk eða þangað til þið eruð ánægð með útkomunua. Setjið piparmyntumassann í sprautupoka og sprautið á stífnaða súkkulaðið í sílikonforminu. Bræðið síðan afganginn af súkkulaðinu og setjið yfir piparmyntumassann.

Setjið loks formið inn í ísskáp i að minnsta kosti klukkutíma eða þar til konfektið hefur stífnað vel. Þrýstið síðan konfektinu út úr sílikonforminu. Geymið molana í ísskáp.

Deila.