Þetta er ekta ítölsk pizza þar sem mikilvægt er að nota góð hráefni, ekta ítalska Prosciutto (hráskinku) sem hægt er að fá niðursneidda í flestum stórmökuðum, ferskar mozzarella-kúlur og góðar ólífur. Og svo að sjálfsögðu heimatilbúna pizzasósu.
- 1 skammtur pizzadeig
Heimatilbúin pizzasósa
- 3 dl ítölsk tómatasósa (passata)
- óreganó
- 2-3 hvítlauksrif
- ólífuolía
- salt og pipar
Pressið hvítlauksrifin og blandið saman við tómatasósuna ásamt 1-2 msk af ólífuolíu og um 1 msk af þurrkuðu óreganó. Ef þið viljið smá hita í sósuna er gott að setja klípu af chili-flögum með. Bragðið til með salti og pipar.
Fletjið deigið út og mótið pizzuna. og þá er komið að því að setja á hana áleggið.
- 2 stórar mozzarellakúlur, skornar í sneiðar
- 1 væn lúka af rifnum parmesan
- Prosciutto, ítölsk hráskinka
- svartar steinlausar ólífur, skornar í tvennt
- pizzasósan
- fersk basillauf
Smyrjið pizzasósunni á botninn. Næst koma mozzarellasneiðarnar. Þá skinkusneiðarnar. Dreifið síðan ólífunum og basillaufunum yfir og loks parmesanostinum.
Það er mikilvægt að baka pizzur við sem mestan hita. Best er að gera þær á pizzasteini á grillinu, þar næst jafnvel 350-400 gráða hiti. Annars stillið þið ofninn á 250 og notið pizzastein ef þið eigið. Bakið þar til að botninn er orðinn stökkur og osturinn hefur bráðnað.
Kíktu á fleiri spennandi pizzauppskriftir með því að smella hér.
