Vidal Fleury GSM 2016

Vínhús Vidal-Fleury er með þeim elstu í Rhone-dalnum og hefur gengið í endurnýjun lífdaga á síðustu árum en það er nú í eigu Guigal-fjölskyldunnar sem hefur lagt metnað í víngerðina hjá Vidal frá a til ö.

Þrúgublandan Grenache, Syrah og Mourvedre er dæmigerð fyrir rauðvín frá suðurhluta Frakklands þó að það hafi verið Ástralir sem gerðu skammstöfunina GSM þekkta á sínum tíma.Vínið er ungt og liturinn er dökkfjólublár, þéttur og djúpur. Kröftug og mikil berjaangan, krækiber og kirsuber, blóm en líka krydd, timjan og vottur af pipar. Vínið er þétt í munni, ungt, ferskt og tannín kröftug en mjúk. Hörkufínt vín.

90%

2.199 krónur. Frábær kaup, verulega gott verð fyrir gæði og vínið fær hálfa auka stjörnu fyrir hlutfall verðs og gæða. Með grilluðu lambi.

  • 9
Deila.