Bandarískt búrbon hefur verið á talsverðri uppleið á Íslandi á undanförnum mánuðum. Aukin
kokteil menning á sinn hlut í því og ef eitthvað má marka vinsældir staða eins og til dæmis
Slippbarsins að þá er þessi menning enn að sækja í sig veðrið. Á árinu sem er að líða hafa
tegundir sem ekki hafa sést áður ratað í hillur ÁTVR. Hið vinsæla Makers Mark er eitt þeirra.
Makers Mark er eitt vinsælasta búrbon Kentucky og er frægast fyrir vaxið á flöskunni og einnig
fyrir að markaðsetja sig sem “small batch” búrbon, þ.e. það á að vera hægt að ganga að því að
búrbonið í flöskunni sé úr tiltölulega fáum tunnum.
Ef drukkið er eitt og sér óblandað er það rafgullið að lit. Í nefi má finna sítrus ávexti, vanillu og
örlítinn kanill. Nefið gefur til kynna að Makers Mark sé örlítið í sætari kantinum. Á tungu má finna
krydd, eik, korn og smá sætu. Makers Mark er það sem heimamenn kalla “wheater” en Makers
Mark notar hveiti í kornvali sem gefur mýkt og sætu í stað rúgs. Makers Mark er frægasta
búrbon sem kalla má “wheater” en aðrar tegundir eru t.d. Pappy Van Winkle og Rebel Yell. Þar
sem Makers Mark er tiltölulega mjúkt að þá má segja að það sé kjörið fyrir fólk að smakka sem
hefur ekki drukkið mikið af viskíi eða búrbon.
Í framhaldi má nefna tvo afar fræga búrbon kokteila sem Makers Mark hentar sérstaklega vel í.
Old Fashioned hefur verið á mikilli uppleið sem kokteill undanfarin ár og er það jafnvel sjónvarpi
að þakka en eins og flestir vita er þetta uppáhalds drykkur Don Drapers í Mad Men.
Old Fashioned var fyrst getið árið 1882 en var nálægt því að vera útdauður drykkur áður en velgengi
sjónvarpsþáttanna fór að auka vinsældir hans. Hann er mjög auðveldur en honum tekst vel að
lyfta búrboninu upp. Hin viðurkennda uppskrift IBA (International Bartenders Association) er á
þessa leið:
- 4.5 cl búrbon
- 2 skvettur af Angostura bitter (fæst einnig í ÁTVR)
- 1 sykurmoli
- örlítið vatn.
Þar sem sykurmolar sem fást hér á landi eru frekar þurrir að þá brotnar sykurinn ílla niður og við
mælum með að nota heimatilbúið sýróp í staðinn, en hlutföll þar eru rúmlega 50:50 af sykri og
vatni. Sýrópi og bitter er fyrst blandað saman, síðan er klaka bætt við og síðan búrbon. Skreytt
er síðan með appelsínuberki. Það má einnig leika sér örlítið með appelsínuna, hvort sem það er
að ná sýrum úr berkinum út eða einfaldlega kræsta nokkra dropa með. Það er ekkert heilagt.
Annar auðveldur og áhugaverður kokteill er Whisky Sour. Viðurkennd uppskrift IBA er:
- 4.5 cl búrbon
- 3 cl kreistur sítrónusafi
- 1.5 cl sýróp
- örlítil eggjahvíta.
Búrboni, sítrónusafa, sýrópi og eggjahvítunni er blandað saman í shaker, hrisst vel og síðan
hellt yfir klaka í glasi. Oft er sítrónusneið og/eða kirsuber notuð sem skraut. Drykkur þessi er
ættaður frá Winsconsin er fyrst getið 1870. Whisky Sour er fágaður kokteill sem er í senn mjög
svalandi.
Makers Mark kostar 9.999 kr. og fæst í ÁTVR
