Spaghetti með ferskum krækling

Pasta og skelfiskur er afskaplega ítalskt og í boði á öllum betri veitingahúsum við ítölsku sjávarsíðuna. Við fengum þessa uppskrift hjá Leifi á La Primavera eftir að hafa fallið fyrir henni í nýlegri heimsókn þangað.

Þetta er hátíðarpasta þar sem við fáum ekki alltaf ferskan krækiling  en þegar  er til er það  ofboðslega gott. Það er hins vegar hægt að fá frosin krækling t.d. í Hagkaup, sem er ekki í neinum bragðlegi, sem vel má nota í staðinn.

Best er að undirbúa sig vel og hafa allt við höndina áður en byrjað er og vera búinn að saxa allt og hreinsa  kræklinginn.  Hægt er að nota lime í staðin fyrir sítrónu og kóríander í staðin fyrir steinselju til að fá annað bragð í réttinn.

400 g spaghetti, þurrkað

smjör

ólífuolía

1 kg kræklingur

4-6 stk hvítlauksgeirar

Chili,þurrkað

Chili,einn ferskur belgur, saxaður

1 búnt flatblaðssteinselja (eða venjuleg ef hún finnst ekki)

1 stk sítróna

2 stk tómatar, kjarnhreinsaðir  og saxaðir

1 dl hvítvín

Maldon salt

Sjóðið spaghettí í miklu vel söltu vatni. Best er að nota þurrkað pasta í þennan rétt svo auðveldara sé að ná því stinnu undir tönn.  Lagið sósuna á meðan spaghettíið sýður.

Hitið ólífuolíu á víðri þykkbotna pönnu.  Setjið hvítlauk og chili, þurrkað og ferskt, á pönnuna og steikið á háum hita án þess að brenna hvítlaukinn,  Hellið hvítvíni og sítrónusafa  út á og blandið steinselju og tómötum saman við. Bætið krækling útí og sjóðið undir loki í ca, 3 minútur eða þar til að hann er eldaður og allur opnaður

Lækkið hitann.  Blandið spaghetti saman við sósuna ásamt smjöri.  Hrærið öllu saman og kryddið með salti ef með þarf.

Með þessu gott ítalskt hvítvín t.d. Banfi San Angelo Pinot Grigio eða hið suður-ítalska A Mano Fiano Greco.