Mig hefur lengi langað til að baka það sem á ensku er kallað „pull apart bread“ eða allt frá því að ég rakst á slíka uppskrift á síðunni hennar Joy the Baker. Þetta er kanilsnúðabrauð með yndislegri kanilsykurfyllingu sem er skorið í sneiðar og raðað upp í form áður en það er bakað.
Deigið
- 385 grömm hveiti
- 50 grömm sykur (ég hef sleppt sykrinum og fannst það ekki koma að sök)
- 2 1/4 tsk þurrger
- 1/2 tsk salt
- 2 stór egg
- 60 gr ósaltað smjör
- 80 ml mjólk
- 60 ml vatn
- 1 tsk vanilludropar
Kanilsykurfylling
- 200 grömm sykur
- 2 tsk kanill
- 60 grömm ósaltað smjör
Hitið ofninn í 180 gráður.
Hrærið saman hveiti (280grömm), sykur, þurrger og salt. Hrærið saman eggin í annarri skál og setjið til hliðar. Bræðið saman smjör og mjólk í örbylgjuofni eða á pönnu og bætið vanilludropunum og vatninu út í . Bætið síðan eggjunum út í þurrefnablönduna og síðan afganginum af hveitinu. Hnoðið deigið í dágóðan tíma (það er hægt að nota hrærivél líka) . Mótið kúlu og setjið í skál ásamt örlitlu hveiti. Leyfið deiginu að lyfta sér í 1 klukkustund.
Fletjið deigið út í ferhyrning sem er um 30 cm á hæð og 50 cm á breidd. Gerið kanilsykurfyllinguna með þvi að bræða smjörið í örbylgjuofni. Blandið saman sykri og kanil.
Penslið deigið með smjörinu og bætið síðan kanilblöndunni ofan á . Skerið deigið lárétt (þvert á langhliðina) í 6 jafnar ræmur. Staflið síðan ræmunum upp á hvor aðra og skerið í sex jafna bunka. Setjið bunkana í ílangt form og leyfið deiginu að lyfta sér í cirka 30 mínútur í forminu.
Setjið síðan formið inn í forhitaðan ofninn og bakið í cirka 30-40 mín (fer svolítið eftir ofni). Það tekur aðeins lengir tíma fyrir deigið sem er á botni formsins að bakast og það er allt í lagi þó að deigið sé svolítið dökkt að ofan. Leyfið lengjunni að jafna sig í um 20-30 mínútur í forminu áður en hún er tekin úr
