Sumir hunsa kolvetni. Aðrir bæta kolvetni á kolvetni. Pasta og kartöflur eru dæmi um það og sömuleiðis pizza með kartöflum. Haustið er tími kartöfluuppskerunnar og það er frábært að nota nýjar íslenskar kartöflur í þessa uppskrift.
- 1 skammtur pizzadeig
- 1-2 mozzarellakúlur
- parmesanostur
- 300-350 g kartöflur, skornar í þunnar sneiðar
- 1 lúka söxuð fersk salvía
- 1/2 lúka saxað ferskt rósmarín
- 2-3 pressuð hvítlauksrif
- chiliflögur
- ólífuolía
- salt og pipar
Gerið pizzadeig.
Skerið kartöflurnar í þunnar sneiðar. Steikið í olíu á pönnu þar til að þær eru orðnar mjúkar, kannski 6-8 mínútur. Saltið og piprið. Bætið hvítlauknum og chiliflögunum saman við í lokin.
Fletjið pizzadeigið út. Dreifið kartöfluskífunum yfir deigið. Skerið mozzarellakúlur í þunnar sneiðar og dreifið yfir. Sáldrið rósmarín og salvíu yfir. Rífið parmesanost gróft yfir.
Eldið í ofni við hæsta hita (250 gráður) eða á grilli þar til botninn er stökkur og osturinn hefur bráðnað. Gott er að nota pizzastein, hvort sem er á grillinu eða í ofninum.
