Brokkólí- og maíssalat

Brokkolí og maí er ekki einungis litrík samsetning heldur bæði bráðholl og gómsæt. Þetta salat er frábært meðlæti með flestum grillmat, hvort sem er kjöti eða fiski.

  • 3 maísstönglar
  • 1 vænn brokkólíhaus
  • 1 sítróna
  • 3-4 hvítlauksgeirar
  • chiliflögur
  • ólífuolía
  • smjör
  • salt og pipar

Skerið brokkólí í bita. Hreinsið utan af maísstönglunum og skafið baunirnar af. Það er best að gera með því að renna hníf niður stöungulinn.

Hitið smjör og olíu saman á pönnu. Setjið klípu af chiliflögum á pönnuna ásamt söxuðum hvítlauknum og veltið um í 1-2 mínútur. Steikið næst brokkólíbitana í 2-3 mínútur. Setjið maísinn út á og steikið áfram í 2-3 mínútur.

Blandið næst saman rúmum 1/2 dl af ólífuolíu við rifinn börk af einni sítrónu og pressaðan safann úr sítrónunni. Hellið þessu yfir grænmetið á pönnunni. Bragðið til með salti og pipar og berið fram.

Deila.