Gulrótarkökur eru vinsælar og til í margvíslegum útgáfum. Þetta er klassísk amerísk gulrótarkaka með þykku kremi úr rjómaosti.
Kakan:
- 350 g hveiti
- 300 g sykur
- 50 g púðursykur
- 350 g rifnar gulrætur
- 4 egg
- 2 dl grísk jógúrt
- 2 dl matarolía
- 1 tsk matarsódi
- 1 tsk lyftiduft
- 1/2 tsk kanill
- 1/2 tsk Allspice
- 1/2 tsk múskat
- 1/2 tsk salt
Hitið ofninn í 180 gráður
Smyrjið kökuform sem er 9 tommur í þvermál. Setjið örlítið hveiti í formið og hristið þannig að hveitið þekji botn og hliðar formsins.
Setjð hveiti, allspice, múskat, kanil, lyftiduft, matarsóda og salt í matvinnsluvél og hrærið saman í nokkrar sekúndur. Blandið saman við rifnu gulræturnar í stórri skál.
Blandið sykri, púðursykri, eggjum og jógúrt saman í matvinnsluvél. Hellið næst matarolíunni saman við sykurblönduna í matvinnsluvélinni og blandið vel saman.
Hellið yfir gulrótarblönduna í skálinni og hærið saman með sleif. Hellið í formið.
Bakið í 45 mínútur. Lækkið þá hitann í 160 gráður og bakið í 20-25 mínútur í viðbót.
Takið kökuna út og leyfið að kólna í forminu í 15 mínutur setjið þá á kökudisk.
Kremið:
- 230 g rjómaostur
- 50 g volgt smjör
- 5 dl sigtaður flórsykur
- 1-2 tsk vanilludropar
Setjið rjómaost og smjör í hrærivél og hrærið saman á miðlungshraða. Bætið vanilludropunum saman við. Lækkið hraðann og hrærið flórsykrinum smám saman út í. Kælið kremið í ísskáp í 10-15 mínútur.
Smyrjið kreminu á kökuna og berið fram.
