Þetta er bragðmikil og kröftug pastasósa á tómatagrunni með spænskri chorizo-pylsu og fennel.
- 100 g chorizo
- 1 rauðlaukur, saxaður
- 4 hvítlauksgeirar, saxaðir
- 1 fennelbelgur, saxaður
- 100 g sveppir, skornir í skífur
- 2 dl kjúklingakraftur
- 1 dós niðursoðnir tómatar
- skvetta rauðvín (ef þið eigið það til)
- 1 búnt steinselja
Hitið olíu á pönnu eða í þykkum potti og mýkið laukinn og hvítlaukinn. Bætið chorizo út í og steikið í nokkrar mínútur. Bætið fennel og sveppum út á. Þegar allt er orðið mjúkt er smá skvettu af rauðvíni bætt út á og leyft að sjóða niður. Bætið kjúklingakrafti og tómötum út á og leyfið að malla í um 15 mínútur. Bætið steinseljunni út í í lokinn og piprið eftir smekk.
Blandið saman við pasta og berið fram með nýrifnum parmesan og salati.
