Þessi kjúklingauppskrift kemur frá Georgíu. Þar líkt og annars staðar við Svartahafið eru valhnetur mikið notaðar við matreiðslu eins og þessi réttur ber með sér.
Hráefni
- 1 stór kjúklingur, skorinn í bita
- 2 msk smjör
- 1 msk olía
- 12 hvítlauksgeirar
- 2 dl valhnetukjarnar
- 2 dl vatn
- salt og pipar
Aðferð
- Kryddið kjúklingabitana með salti og pipar
- Hitið olíu og smjör saman á stórri pönnu og steikið kjúklingabitana í tíu mínútur á hvorri hlið á miðlungshita. Setjið lok á pönnuna og látið krauma í 20 mínútur í viðbót eða þar til kjúklingurinn er eldaður í gegn.
- Maukið saman hvítlauknum og valhnetunum í matvinnsluvél.
- Setjið kjúklingabitana á fat og haldið heitum.
- Setjið hvítlauks- og hnetumaukið á pönnuna ásamt vatninu. Saltið og látið krauma í um fimm mínútur.
- Bætið kjúklingabitunum aftur út á pönnuna og veltið þeim upp úr sósunni þar til þeir eru orðnir heitir.
- Berið strax fram.
