Nautakjöt Basturma

Basturma er heitið á frummálinu yfir þessa georgísku uppskrift sem er dæmigerð fyrir matergerð Kákasushéraðanna.

Hráefni

  • 1 kíló nautakjöt, t.d. sirloin eða innralæri
  • 1 stór laukur, rifinn niður á rifjárni
  • 3 hvítlauksgeirar, pressaðir
  • lúka af söxuðum kóríander
  • matskeið af söxuðu basil
  • 2 dl ólívuolía
  • 1 dl nýpressaður sítrónusafi
  • kirsuberjatómatar
  • vorlaukur

Aðferð

  1. Skerið kjötið í bita.
  2. Blandið saman lauk, hvítlauk og kryddjurtunum. Saltið og piprið.
  3. Blandið ólívuolíu og sítrónusafanum og saman og blandið síðan saman við laukblönduna.
  4. Hellið yfir kjötið og látið kjötið marinerast í ísskáp. Helst í sólarhring.
  5. Setjið kjötbitana á grillteina og grillið á grilli eða í ofni. Ekki ofelda, þetta er best medium rare.
  6. Setjið á fat og hrúgið niðursneiddum vorlauk og kirsuberjatómötum yfir.

Berið fram með kóríandersósu.

Deila.