Rauð flauelskaka eða Red Velvet Cake er vinsæl kaka í Norður-Ameríku ekki síst í tengslum við Valentínusardaginn. Það sem gerir hana sérstaka er mikið magn af rauðum matarlit er gefur henni sterkrauðan lit. Þetta er kaka sem sker sig úr.
- 2 1/2 bolli hveiti
- 1 1/2 bolli sykur
- 1 bolli súrmjólk
- 110 g smjör
- 2 egg
- 2 msk kakó
- 1 msk mataredik (borðedik)
- 40 ml rauður matarlitur
- 1 tsk vanilludropar
- 1 tsk salt
- 1 tsk lyftiduft
- 1 tsk matarsódi
Hitið ofninn í 180 gráður. Smyrjið tvö 22-23 sm kökuform.
Sigtið hveiti, lyftiduft og salt saman. Geymið.
Blandið saman kakó og matarlit þannig að úr verði þunn blanda. Passið upp á að engir kekkir séu í blöndunni.
Hrærið vel saman smjöri og sykri og bætið síðan við eggjunum, einu í einu. Hrærið áfram og bætið við vanilludropunum og kakó/matarlitsblöndunni. Þá er þriðjungi af hveitiblöndunni blandað saman, helmingnum af súrmjólkinni, síðan hveiti, súrmjólk og loks afganginum af hveitiblöndunni. Passið upp á að allt sé vel hrætr saman.
Þeytið saman edik og matarsóda í lítilli skál. Blandið saman við deigið.
Skiptið deiginu jafnt á milli formanna og bakið í 30 mínútur.
Takið botnana út og leyfið þeim að kólna áður en kremið er sett á.
Kremið
- 250 g rjómaostur
- 250 g Marcarpone
- 3,5 dl rjómi
- 120 g flórsykur
- 1 tsk vanilludropar
Þeytið rjómaost og Macarpone saman með handþeytara. Þeytið næst vanilludropa og flórsykur saman við. Þeytið áfram og hellið rjómanum smám saman út í. Bragðið á og bætið sykri eða vanilludropum við ef þarf.
Smyrjið kreminu á milli botnanna. Setjið kökuna saman og smyrjið kremi í kringum alla kökuna. Sáldrið skrautsykri yfir.
Það er líka hægt að skera botnana í tvennt og hafa þannig fjögurra hæða köku.
