Vínin í Montes Alpha-línunni þarf líklega ekki að kynna, þau hafa verið eitt helsta tákn gæðavina frá Chile í á þriðja áratug. Það vekur því athygli þegar að það gerist eitthvað nýtt í línunni, eins og þegar skyndilega er kominn undirflokkur sem heitir Special Cuvée og er auðkenndur með svörtum miða – en Alpha-miðarnir hafa jú alltaf verið hvítir. Aurelio Montes hefur aldrei verið maður kyrrstöðu og Alpha Special Cuvée eru vín sem ætlað er að vera skrefinu fremri en Alpha-vínin, ekki síst með því að færa vínræktina sjálfa upp á svalari svæði.
Sauvignon Blanc hefur fyrir löngu markað sér sess sem en af meginþrúgum Chile. Þrúgurnar hér eru er ræktaðar á einu besta hvítvínssvæði Chile, Leyda-dalnum, nánar tiltekið á undirsvæði sem heitir Santo Domingo og er steinsnar frá Kyrrahafinu. Vínið er grösugt, nýslegið gras, grænn aspas, netlur, kívi og lime, töluvert míneralískt. Ferskt, þurrt og tignarlegt.
3.199 krónur. Frábær kaup. Með rækjum og skelfisk.
-
9
