Ef velja á góða steik á grillið er T-Bone yfirleitt öruggt val. Ekki spillir fyrir að T-Bone steikurnar í íslenskum kjötborðum eru í raun ekki alvöru T-Bone heldur það sem í Bandaríkjunum er kallað Porterhouse þar sem við fáum sneið af bæði filé og lund, tveimur bestu vöðvum nautsins.

Íslenska hangikjötið er eiginlega okkar Parmaskinka. Auðvitað er það afskaplega misjafnt. Margt af því hangikjöti sem selt er í búðum er allt of salt og reykbragðið of yfirþyrmandi. En svo kemst maður stundum í alvöru hangikjöt, eins og það á að vera. Taðreykt af umhyggju með mildu og þægilegu reykbragði og saltið vart merkjanlegt. Þannig hangikjöt er algjört sælkerafæði og best að borða það hrátt, enda okkar hráskinka.

Quickes er gamalgróin ostagerð í Devon í Bretlandi. Quicke-fjölskyldan hefur búið í héraðinu frá árinu 153 og fékk á sínum tíma gjöfular lendur frá Hinrik áttunda Englandskonungi. Nú er það Mary Quicke sem heldur utan um búið. Þekktasta afurð hennar er Cheddar-osturinn sem á dögunum var valinn besti Cheddar-ostur Bretlands þegar the British Cheese Awards voru veitt

Margir af þekktustu ostum heims eru framleiddir úr geitamjólk eða sauðamjólk og má nefna Roquefort, Ricotta, Pecorino, Feta og Manchego sem dæmi um nokkra sauðaosta. Það er því fagnaðarefni að fyrir nokkru hófst framleiðsla á ostum úr sauðamjólk og geitamjólk hér á landi.