Ítalskur kjúklingur

Þessi ítalski kjúklingaréttur er fljótlegur, einfaldur en gífurlega góður. Tómatarnir og vínið mynda frábæra sósu þegar þau eldast saman við kryddjurtirnar og laukinn.

  • Heill  kjúklingur
  • 2 msk. ólífuolía
  • 2 msk. smjör
  • 1 laukur, saxaður
  • 4 hvítlauksgeirar, saxaðir
  • 2-3 greinar af fersku söxuðu rósmarín,
  • Ein lúka fersk salvíublöð, söxuð
  • 3-4 greinar af fersku garðablóðbergi (timían), saxað
  • 1 dl hvítvín
  • safi úr hálfri sítrónu
  • 5-6 ferskir  saxaðir tómatar. Einnig má nota heila tómata úr dós (2 dósir).

Ofninn er forhitaður í u.þ.b. 180 °C.

Kjúklingurinn er bútaður í tíu hluta. Kryddaður með salti og pipar. Hitið olíuna og smjörið saman á pönnu sem má fara í ofninn og brúnið kjúklingabitana í 5-8 mínútur. Bætið þá lauknum, hvítlauknum og kryddjurtunum út í og veltið um með sleif á pönnunni í um 2 mínútur.

Bætið loks víninu,sítrónusafa og tómötunum á pönnuna og blandið öllu vel saman. Látið malla  á pönnunni í um 5 mínútur. Setjið pönnuna í ofninn og bakið í 35-40 mínútur.

Meðlæti: Tagliatelle, ferskt salat og nýbakað brauð.. og svo auðvitað nýrifinn Parmesan.

Gott rauðvín frá Toskana á Ítalíu smellpassar með t.d. Villa Antinori eða Isole e Olena Chianti Classico.