Silvíukakan er sænsk að uppruna og kennd við Silvíu drottningu. Þetta er skúffukaka eins og Svíar vilja hafa hana með mildu kremi og kókos.
Deigið
- 4 egg
- 4 dl sykur
- 4 dl hveiti
- 4 tsk lyftiduft
- 4 tsk vanillusykur
- 2 dl vatn
Þeytið egg og sykur saman. Sigtið hveti, lyftiduft og vanillusykur. Hrærið saman við egg og sykur og bætið vatninu saman við. Setjið bökunarpappír í ofnskúffu og hellið deiginu í. Bakið í um 30 mínútur í miðjum ofni við 175 gráður.
Krem
- 100g smjör
- 1 dl sykur
- 1 msk vanillusykur
- 1 eggjagula
- kókosmjöl
Bræðið smjörið. Hrærið sykri og vanillusykri saman við. Pískið eggjagulunni varlega saman við. Smyrjið kreminu á kökuna á meðan að hún er ennþá volg. Sáldrið kókosmjöli yfir.
Skerið kökuna í bita og berið fram.
Skráðu þig á póstlistann okkar með því að smella hér og fáðu reglulegt fréttabréf með nýjustu vínunum, uppskriftunum og veitingahúsunum.
