Það vita flestir að Skotar framleiða mörg góð viský sem hægt er að nota með ýmsum hætti.  Ein og sér, á klaka eða jafnvel  bara með teskeið af vatni til að mýkja bragðið eða þá blönduð sódavatni eða öðrum  sem ein af grunnstoðum margra kokkteila.

Það er vinsælt hjá matarklúbbum og vinahópum sem hittast til að borða saman að láta máltíðina hafa eitthvert tiltekið þema. Það er til dæmis hægt að halda georgíska veislu en þótt matargerð Kákasusríkisins Georgíu sé ekki sú þekktasta býður georgíska eldhúsið upp á ótrúlega marga spennandi rétti.

Bolludagurinn er líklega einhver vinsælasti dagur ársins því þá megum við sporðrenna eins mörgum rjómabollum og við getum í okkur látið. Alltaf er hægt að friða samviskuna með því að þetta er jú bara einn dagur á ári þótt margir séu vissulega farnir að taka forskot á sæluna nokkrum dögum á undan.

Sænski meistarakokkurinn Matthias Dahlgrein og veitingahús hans hlutu verðlaunin The Nordic Prize en þau voru afhent í annað skipti á sunnudagskvöld.

Það er ekkert danskara en síld og snafs á aðventunni. Líkt og raunin er um marga aðra góða danska siði þá skipa dönsku síldarhefðirnar ríkan sess í hugum margra Íslendinga. Baldur Sæmundsson, sem lengi var veitingastjóri á Hótel Sögu og hefur undanfarin ár verið áfangastjóri í Hótel- og matvælaskólanum í MK, er einn þeirra sem tekur dönsku hefðirnar „alla leið“ og hefur áratugum saman haldið miklar síldarveislur.