Vinaigrette – hin eina sanna salatsósa
Það þarf ekki mikið til að lyfta grænu salati upp á hærra plan. Einungis nokkrar matskeiðar af góðri salatsósu geta ráðið úrslitum um það hversu vel salatið bragðast þegar það er borið fram.
Leitarorð: Sælkerinn
Tapasmenning Spánar
Spænsk mat ar menn ing á það til að falla í skugg ann af mat ar gerð Frakk lands og Ítal íu. Að pa ellu frá taldri ættu líklega flest ir í erf ið leik um með að telja upp „spænska“ rétti. Skýr ing in kann að vera sú að mat ar menn ing Spán verja bygg ist að miklu leyti á hrá efn un um en ekki ein stök um rétt um. Einn angi henn ar, tapas-menn ing in, nýt ur hins veg ar sí vax andi vin sælda ann ars stað ar í Evr ópu og ekki að ástæðu lausu.
Slóvakísk gæsaveisla
Ef einhverjir lesendur kynnu að vera á ferðinni í Slóvakíu er skylda að borða gæs, nánar tiltekið ættu menn að á í þorpinu Slovensky Grob við rætur Karpatíufjalla, eina tuttugu kílómetra norðaustur frá höfuðborginni Bratislava. Líklega eru menn hvergi í heimi jafnstoltir af gæsasteikunum sínum og í þessu litla slóvakíska þorpi.
Asado – argentínsk grillveisla
Í Argentínu er mikil hefð fyrir því að grilla og Argentínumenn grilla kjöt, nautakjöt og aftur meira nautakjöt. Grillveislurnar sem þeir kalla asado eru stofnun í þjóðfélaginu.
Franskbrauðið
Lengi vel var franskbrauð notað sem samheiti yfir allt hvítt hveitibrauð á Íslandi. Vissulega byggist brauðneysla Frakka að miklu leyti á hvítum brauðum en þau eiga þó fátt sammerkt með flestu því hvíta brauði, sem við köllum franskbrauð.
Foie gras
Oftast er foie gras, sem í beinni þýðingu myndi útleggjast sem „feit lifur“, unnin úr gæsalifur (foie gras d’Oie) en einnig er kæfa úr andalifur (foie gras de canard) nokkuð algeng. Hún er algeng sjón í frönskum sælkerabúðum og skipar þar álíka sess og kavíar úr styrjuhrognum og trufflur.
Gnocchi
Nafnið „gnocchi“ er í raun samheiti á ítölsku yfir bollur af ýmsu tagi sem búnar eru til úr hveiti eða öðru sterkjuríku hráefni og síðan soðnar eða bakaðar. Stundum er uppistaðan spínat og ricotta-ostur (sá réttur er oft kallaður malafatta), í kringum Róm er semolina-gnocchi algengt en þekktast er líklega kartöflu- gnocchi.
Parmesan
Hinn eini sanni Parmesan-ostur á lítið sameiginlegt með þeirri óspennandi iðnaðarvöru sem seld er í duftformi í staukum og dollum í kæliborðum verslana. Parmigiano er framleiddur í stórum hleifum er vega tugi kílóa þótt yfirleitt sé hann seldur niðurskorinn í smærri sneiðar, neytendum til hægðarauka. Parmigiano kostar sitt en hann er þess virði enda getur hann einn og óstuddur lyft máltíð upp á annað og hærra plan.
Ólífumauk
Ólívur eru til margs nytsamlegar og eitthvað það besta sem hægt er að gera úr þeim er tapenade eða ólívumauk. Tapenade er mauk sem á ættir að rekja til Provence í Suður- Frakklandi og er þar gjarnan borið fram með brauði fyrir mat ásamt grænmeti. Er tapenade stundum kallað „kavíar Provence“. Ólívumauk er einnig vinsælt á Ítalíu og gengur þá t.d. undir nöfnunum Polpa di Olive eða Pasta di Olive .
Hin eina sanna Peking-önd
Endurnar sem kenndar eru við Peking höfuðborg Kína eru líklega með þekktasta fiðurfé veraldar. Hér er hins vegar ekki einungis á ferðinni sérstakur andarstofn heldur ekki síður einhver frægasti réttur kínverska eldhússins. Sögu Peking-andarinnar má rekja allt aftur til Yuang-keisaratímans á þrettándu öld og hún er sögð hafa verið í sérstöku dálæti hjá Ming-keisurunum.