Vina Maipo tengja eflaust flestir við ódýr vín enda er grunnlína vínhússins einhver ódýrustu vínin í vínbúðunum. Víngerðarmaðurinn Max Weinlaub og félagar hans hjá Vina Maipo framleiða þó ekki síður vönduð og dýrari vín og má þar nefna hina forvitnilegu línu sem ber nafnið Gran Devocion.

Lapostolle-fjölskyldan franska er þekktust fyrir framleiðslu á Grand Marnier-líkjörnum en hún fjárfesti einnig í víngerð í Chile á síðasta áratug og átti þar samvinnu við víngerðarmanninn Michel Rolland.

Þetta spænska rauðvín kemur frá Toledo á spænsku hásléttunni, svæðinu Vino de la Tierra de Castilla, og er blanda úr einum fimm þrúgum, Cabernet Sauvignon, Syrah, Cabernet Franc, Petit Verdot og Graciano.

Alpha-línan frá Montes er með bestu kaupum sem hægt er að gera í vínum og hvítvínið í línunni úr Chardonnay-þrúgum frá Casablanca-dalnum er þar engin undantekning.

Aurelio Montes er einn fremsti víngerðarmaður Chile og vínin hans eru ávallt stílhrein og dæmigerð fyrir bæði þær þrúgur sem þau byggja á sem staðinn sem þau eru gerð á.

Barolo-vínin eru með bestu matarvínum Ítalíu og henta vel með kröftugum, jarðbundnum mat, s.s. risotto með sveppum.

Vínsamlagið Chablisienne er stærsti framleiðandi Chablis-vína. Samlagið var sett á laggirnar árið 1923 og í dag eiga um 300 vínræktendur aðild að því.

Matt Thomson yfirvíngerðarmaður Saint-Clair á Nýja-Sjálandi var meðal gesta á vínsýningu sem haldin var á Hilton Nordica síðastliðinn vetur en þar kynnti hann m.a. þetta vín úr Vicar’s Choice línunni.

rátt fyrir að Malbec komi frá suðvesturhluta Frakklands tengja flestir þessa ágætu þrúgu núorðið við Argentínu enda er hún að verða eitt helsta flaggskip argentínskra vínhúsa. Hér er eitt af betri vínunum frá Trivento úr Golden Reserve-línunni.

Amarone er toppurinn á vínunum frá Valpolicella-héraðinu utan við Verona á Ítalíu. Þrúgurnar eru þær sömu og í hefðbundnum Valpolicella en í stað þess að pressa þær strax eftir tínslu eru þrúgurnar sem notaðar eru í Amarone-vínin þurrkaðar í um þrjá mánuði.