Þetta er rammítölsk sveitauppskrift þar sem flysjaðar paprikurnar gefa bragð og sætu. Í hinni upprunalegu ítölsku uppskrift er gert ráð fyrir alvöru Pancetta-beikoni, sem því miður er ekki fáanlegt hér. Best er að nota þykkasta og mildasta beikonið sem þið finnið.
Dijon-sinnepið franskra er til margar hluta nytsamlegt og það er til dæmis hægur leikur að búa til ljúffenga og góða pastasósu með því. Hér í þessari uppskrift eru notaðar kálfasteikur en kálfakjötið hentar einkar vel með Dijon-sinnepi. Það má hins vegar einnig skipta kálfasteikunum út fyrir grísakótilettur á beini.
Gríska matargerðin er dæmigerð Miðjarðarhafsmatargerð hvað hráefni varðar. Það leynir sér hins vegar ekki í mörgum uppskriftum að Grikkland er í austurhluta Miðjarðarhafsins. Í Kapama-kjúkling eða „Kota Kapama“ koma til dæmis krydd og brögð við sögu sem minna á Austurlönd nær.
Sveppir, furuhnetur, tómatar, steinselja og beikon gefa þessum rétti bragð og rjóminn gerir sósuna mjúka og milda.
Skelfiskur nýtur mikilla vinsælda við Miðjarðarhafið og í sjálfu sér er ekkert sem mælir gegn því að við tökum upp sömu siði. Sjórinn við Ísland er fullur af skelfisk og á nokkrum stöðum við landið, s.s. í Eyjafirði, er farið að rækta hann með góðum árangri.
Á Suður-Ítalíu, hvort sem er í Púglíu eða Sikiley, er mjög algengt að fá á borðið disk með brokkólí-pasta. Í Púgliu er algengt að nota Orecchiette-pasta (litlu eyrun) en það má nota margar aðrar tegundir af þurrkuðu pasta, t.d. Penne.
Þessi réttur er léttur og fljótlegur en engu að síður er þarna að finna mjög skemmtilegt samspil af mismunandi brögðum sem mynda ljúffenga heild.
Parmigiano ostur er hér í mörgum hlutverkum bæði í hjúpnum utan um kjúklinginn og í pastasósunni. Það er síðan auðvitað gott að hafa smá auka Parmesan rifinn með til hliðar.
Pasta og skelfiskur er afskaplega ítalskt og í boði á öllum betri veitingahúsum við ítölsku sjávarsíðuna. Við fengum þessa uppskrift hjá Leifi á La Primavera eftir að hafa fallið fyrir henni í einni heimsókninni.
Kjötsósur með pasta heita „ragú“ á ítölsku og er Bolognese líklega sú þekktasta þeirra. Hér er uppskrift frá héraðinu Abruzzo þar sem notað er lambakjöt og verður að segjast eins og er að íslenska lambakjötið kemur stórkostlega út í þessari uppskrift.