Hér kemur enn ein sígild, ítölsk pastauppskrift. Sá ítalski veitingastaður er líklega vart til sem hefur ekki einhvern tímann verið með Spaghetti Carbonara í einhverri útfærslu á matseðli sínum. Þessi þykka pastasósa úr eggjum og osti ásamt beikoni er enda alveg hreint unaðsleg.
Kálfakjöt er því miður allt of lítið notað af okkur Íslendingum. Það sama verður hins vegar ekki sagt um þjóðir á borð við Frakka, Þjóðverja, Austurríkismenn og Ítali sem vita fátt betra en kálfakjöt.
Þennan rétt fékk ég í yndislegu matarboði í Fossvoginum á dögunum þar sem hver rétturinn á fætur öðrum var töfraður fram og snæddur úti á palli í sumarblíðunni. Að sjálfsögðu reyndi ég að verða mér úti um uppskriftina
Þessi sikileyska uppskrift er fersk og svolítið framandi. Það þarf að marínera kjúklinginn, helst yfir nótt, og því nauðsynlegt að skipuleggja þessa máltíð fram í tímann.
Þennan humarrétt er hægt að hafa sem jafnt forrétt eða aðalrétt og hægt er að styðjast við hvort sem er hrísgrjón eða pasta sem meðlæti.
Pasta er mikið borðað á Sikiley rétt eins og annars staðar á Ítalíu. Einn vinsælasti pastaréttur eyjarskeggja er Spaghetti con Melanzane eða spaghettí með eggaldin.
Þennan rétt fékk ég fyrst í hádegisverði á góðu veitingahúsi á Valpolicella-svæðinu, skammt frá borginni Verona á Ítalíu. Hann er einfaldur en mjög góður.
Þessi ítalski kjúklingaréttur er fljótlegur, einfaldur en gífurlega góður. Tómatarnir og vínið mynda frábæra sósu þegar þau eldast saman við kryddjurtirnar og laukinn sem smellur við pasta og parmesan-ost.
Einhver vinsælasta pastasósa Ítalíu er án efa pesto , sem á rætur sínar að rekja til Lígúría-héraðs og er stundum kennd við hafnarborgina Genúa, eða pesto genovese. Líkt og svo margar aðrar gersemar ítalska eldhússins er pestó afskaplega einfaldur réttur og á færi flestra að búa til ljúffenga pestó- sósu.
Þegar spáð er í tískustrauma og stefnur í alþjóðlegri matargerð verður ekki litið framhjá þeim gífurlegu áhrifum sem ítölsk matargerð hefur haft á kokka um allan heim á síðustu árum. Ítölsk hráefni skjóta víða upp kollinum (má nefna balsamedik og sólþurrkaða tómata) og sígildir ítalskir réttir hafa verið teknir og aðlagaðir á ýmsa vegu. Einn þeirra rétta er hvað mestra vinsælda hafa notið á síðustu árum er risotto.