Grískt salat

Grískt salat er ein af bestu salatsamsetningum sem til eru og getur staðið jafnt eitt og sér eða sem meðlæti með margvíslegum mat.

Þetta þarf í salatið:

  • Stökkt salat, helst Romaine
  • 1 gúrka, fræhreinsuð og söxuð
  • 2 tómatar, niðursneiddir
  • 1 paprika, söxuð
  • 1 rauðlaukur, saxaður
  • Fetaostur í bitum
  • Kalamati ólífur
  • 1 dl ólívuolía
  • 1/3 dl vínedik
  • 2 msk ferskt Óreganó eða tæp msk af þurrkuðu

Skerið grænmetið niður og setjið í stóra skál. Hristið olíu og edik saman ásamt 2 msk af fersku oregano. Hellið yfir salatið og blandið saman.