Rueda er svæði á Spáni sem hefur verið að slá rækilega í gegn. Þetta er hvítvínssvæði og þrúga svæðisins heitir Verdejo. Rueda vínin eiga sér þúsund ára sögu en það var ekki fyrr en þekktir spænskir vínramleiðendur áttuðu sig á því að þarna væru kjöraðstæður fyrir framleiðslu á ódýrum og góðum vínum að það fór á flug.

Ripasso eru vín sem liggja á milli hefðbundinna Valpolicella-vína og Amarone-vína. Þau síðarnefndu er gerð úr þurrkuðum þrúgum og hrati sem verður til við Amarone-víngerðina er bætt út í vínlöginn og gerjun sett af stað á ný.

Rioja-vín hafa marga kosti. Einn helsti kostur góðra Rioja-vína er að þau eru tilbúin þegar þau eru sett á markað eftir að hafa legið í kjöllurum vínhúsanna í nokkur ár. Orðin mjúk og yndisleg.

Ribera del Duero er eitt það virtasta á Spáni og vínin þaðan yfirleitt tignarleg og dýr. Hér er hins vegar mjög ungt og ódýrt Ribera-vín frá Mayor del Castillo, sem er stærsti framleiðandi héraðsins.

Tempranillo frá Ástralíu er sjaldgæf sjón. Þessi meginþrúga spænskra rauðvína og uppistaða nær allra Rioja-vína hefur ekki verið mikið notuð utan Spánar.

Castillo Perelada er vínhús í Empordá nyrst í Katalóníu, rétt fyrir sunnan frönsku landamærin. Þetta er enn sem komið er svæði sem fæstum dettur í hug þegar rætt er um spænska víngerð en hefur verið að koma sér á kortið á síðustu árum, ekki síst fyrir tilstilli Perellada.

Tessari-fjölskyldan  hefur stundað vínrækt um langt skeið en hóf fyrst  að framleiða vín undir nafninu Ca’ Rugate árið 1986. Þetta er lítið fjölskyldufyrirtæki sem hefur notið vaxandi hylli og með opnun á nýrri víngerð árið 2001 verið í mikilli sókn.

Það er því miður ekki eins mikið um suður-ítölsk vín í hillunum og fyrir nokkrum árum, sem er synd. Sikileysku vínin eru oft glettilega góð og þá ekki síst hvítvínin.

Priorat var til skamms tíma lítið og nær óþekkt svæði í Tarragona á Spáni. Víngerð í Priorar á sér aldalanga sögu en aðstæður hafa ávallt verið erfiðar og vínviðurinn vex á syllum í snarbröttum brekkum.

Terlano er svæði í norður-ítalska héraðinu Alto-Adige. Það gengur einnig undir nafninu Suður-Týról og af sögulegum ástæðum er þýska mikið notuð en þetta Alpahérað deilir landamærum með Austurríki. Á þýsku heitir svæðið Terlan.