Baroncini fjölskyldan kemur frá einhverjum fallegasta bæ Toskanahéraðsins á Ítalíu. San Gimignano er auðþekkjanlegur bær úr fjarska vegna turnanna sem rísa upp úr þorpinu. Þeir voru alls 72 á miðöldum en 15 þeirra standa enn.

Alsace í Frakklandi er þekktast fyrir hvítvínin sín en þar eru einnig gerð freyðivín sem geta verið hreinasta afbragð. Þau eru kölluð Crémant d’Alsace og þau bestu eru gerð með sömu aðferðum og kampavín.

Vínhúsið Baron de Ley í Rioja á Spáni er ungt vínhús, stofnað 1985. Það er staðsett í Mendavia, syðst í Rioja rétt við Navarra

Rauða Layers-vínið frá Lehmann er frá Barossa í Suður-Ástralíu líkt og önnur vín þessa framleiðanda en um er að ræða ódýrari línu en hin hefðbundnu Barossa-vín hans.

Vínhúsið Spy Valley hefur verið með þeim mest spennandi á Nýja Sjálandi síðustu misserin. Í byrjun hét vínhúsið Johnson Estate enda stofnað af þeim Bryan og Jan Johnson árið 1993. Árið 2000 breyttu þau hins vegar nafninu í Spy Valley og er nafnið tilkomið vegna njósnastöðvar Bandaríkjamanna, sem er hluti af Echelon-kerfinu, í Wairau dalnum.

Belleruche frá Chapoutier er eitt af öruggustu kaupunum í Cotes du Rhone-vínum enda frá hörkuframeiðanda.Vínin frá Chapoutier eru þar að auki lífræn þótt ekki sé verið að flagga því sérstaklega.

Hautes Cotes de Beune er svæði í hæðunum vestur og suður af þorpinu Beaune í miðhluta Búrgunds og handan hins þekkta svæðis Cotes de Beaune. Um tuttugu þorp sameinast um þessa „appelation“ og yfirleitt eru þetta ágætis vín á góðu verði, mun ódýrari en vínin frá þekktari svæðum Beaune.

Vínhúsið Spy Valley hefur verið með þeim mest spennandi á Nýja Sjálandi síðustu misserin. Í byrjun hét vínhúsið Johnson Estate enda stofnað af þeim Bryan og Jan Johnson árið 1993. Árið 2000 breyttu þau hins vegar nafninu í Spy Valley og er nafnið tilkomið vegna njósnastöðvar Bandaríkjamanna, sem er hluti af Echelon-kerfinu, í Wairau dalnum.

Þetta suður-franska vín frá svæðinu Coteaux-de-Tricastin sunnarlega í Rhone kemur úr smiðju Chapoutier. Þetta er rauðvín í franska Miðjarðarhafsstílnum úr þrúgunum Grenache og Syrah. Líkt og með önnur vín Chapoutier eru allar þrúgur ræktaðar með lífrænum aðferðum.

Vínin frá Montecillo hafa verið fastagestir í hillum vínbúðanna um árabil og Crianza-vínið skartar nú skærum flöskumiða í stað þess dökkvínrauða sem lengi prýddi flöskurnar. Innihaldið er hins vegar það sama, Rioja-vín í nútímalegum stíl þar sem frönsk eik er notuð en ekki amerísk.