Árgangurinn 2007 var einn sá besti sem framleiðendur í Rhone-dalnum í Frakklandi hafa nokkru sinni upplifað. Lýsingarorðin sem notuð eru um hann eru frá því að vera hástemmd yfir í yfirdrifin. Það breytir ekki því að þetta er árgangur sem á sér varla sinn líka og jafnvel einföldustu vín svæðisins voru afbragð.

Kientz-fjölskyldan frá þorpinu Blienschwiller er nýjasta viðbót Alsace-vína í vínbúðunum.Blienschwiller liggur nokkurn veginn mitt á milli borganna Strassborgar og Colmar og er því í hjarta vínræktarsvæðisins.

Þetta suður-afríska hvítvín frá Swartland norður af Höfðaborg er blanda úr þremur frönskættuðum þrúgum, þeim Chardonnay, Chenin Blanc og Viognier. Svolítið óvenjuleg blanda.

Nafnið á þrúgunni Gewurztraminer vísar til þess að þetta er með arómatískari þrúgum og angan hennar yfirleitt krydduð. Hún er eiginlega hvorki hvít né rauð heldur bleik á lit. Vínin eru þó alltaf hvít þar sem liturinn kemur úr hýðinu en ekki berjasafanum, sem notaður er í víngerðina.

Vínin með fuglamyndunum frá Hardy’s voru einhver fyrstu áströlsku vínin sem hér sáust fyrir einum tveimur áratugum síðan. Hardys-vínin hurfu síðan af markaðnum um skeið en eru nú komin aftur.

Caldora er eitt stærsta vínsamlagið í Abruzzo-héraðinu á Mið-Ítalíu. Alls rækta bændurnir sem standa að samlaginu vín á um 1.200 hektörum. Einungis vín af 200 bestu hektörunum eru hins vegar seld undir nafninu Caldora og eru þau gerð af Mario Ercolino, sem er einn af stjörnuvíngerðarmönnum Ítalíu.

Lamberti Santepietre er Valpolicella vín frá svæðinu í kringum Verona á Ítalíu og ágætlega dæmigert fyrir þau vín.

Swartland í Suður-Afríku er svæði sem við höfum ekki séð mikið af hér á landi til þessa. Þetta víngerðarhérað er í um 50 kílómetra fjarlægð norður af Höfðaborg, heitt og þurrt.

Montepulciano d’Abruzzo er heiti vína úr þrúgunni Montepulciano sem framleidd eru í héraðinu Abruzzo, í þessu tilviki af Caldora, einu stærsta vínsamlagi svæðisins.

Þessi Sangiovese kemur frá svæðinu Terre di Chieti sem er í héraðinu Abruzzo suður af Toskana og er Caldora eitt af stærri vínsamlögunum á því svæði.