Trimbach-fjölskyldan hefur komið við sögu vínræktar í Alsace í á fimmtu öld. Það var hins vegar „ekki fyrr“ en á nítjándju öld sem að vínin frá Trimbach slógu rækilega í gegn þegar Fréderic-Emil Trimbach fór með nokkur sýnishorn á heimssýninguna í Brussel árið 1898.
Brolio-kastali hefur verið aðsetur Ricasoli-fjölskyldunnar í bænum Gaiole in Chianti frá því á miðöldum. Saga fjölskyldunnar er nátengd sögu og þróun víngerðar í Chianti líkt og lesa má um hér. Orðstír vínanna hnignaði um tíma á síðustu öld eftir að fjölskyldan seldi stóru alþjóðafyrirtæki reksturinn. Eftir að hún keypti hann til baka að ný hefur allt verið upp á við undir styrkri stjórn Francesco Ricasoli.
Meðalhiti ársins 2007 var með því hæsta sem gerist í Toskana. Þetta var ekki yfirþyrmandi hitabylgjuár eins og 2003 heldur ár þar sem hitinn yfir árið var að jafnaði töluvert hærri en í meðalári. Þetta endurspeglast í þessu víni frá Ricasoli-fjölskyldunni í bænum Gaiole in Chianti.
Vín frá Alicante hafa ekki verið fyrirferðarmikil í vínbúðunum til þessa, flestir tengja líklega nafn héraðsins frekar við strendur en vín. Alicante er heldur ekki stórt þegar víngerðin er annars vegar. Vín er ræktað á þrettán þúsund hektörum af um 50 framleiðendum.
Það var sú tíð að menn firrtust við þegar að þeir sáu vínflöskur með skrúfuðum tappa. Nú er raunin frekar sú að menn fagni því, sérstaklega þegar um er að ræða vín sem neyta á yngri en fimm ára eða svo.
Þetta hvítvín í 3 lítra kassa kemur frá vínsamlaginu Cantina Leonardo í Toskana. Samlagið er í bænum Vinci, fæðingarbæ Leonardos da Vinci, og eiga um 150 vínbændur aðild að því.
Árið 2008 var frábært ár í Alsace og það sem meira var, þetta var umfram allt Riesling-ár. Sumarið var hlýtt en hitastigið náði aldrei hitabylgjumarkinu og því náðist hið fullkomna jafnvægi sem ræktendur hvítvíns á þessum slóðum eru ávallt að leita að.
Amarone er magnaður vínstíll og þegar vel lætur eru Amarone-vínin í hópi höfugustu fulltrúa ítalskrar víngerðar. Mikil um sig og djúp með endalausri lengd
Chateau Lamothe-Vincent er vínhús á svæðinu Entre-deux-Mers í Bordeaux, sem mætti þýða sem „milli tveggja vatna“, en þar er vísað til þess að svæðið er umlukið af fljótunum Garonne og Dordogne.
Bretinn Jonathan Maltus festi kaup á Chateau Teyssier í St. Emilion í Bordeaux fyrir fimmtán árum og hefur á þeim árum sem síðan eru liðin skipað sér í hóp þekktustu svokallaðra „garagistes“ eða bílskúrskalla en sú lýsing hefur verið notuð um agnarsmá víngerðarhús sem framleiða fágæt og rándýr vín.