Það er margt á ferðinni hér. Kjúklingurinn tekur í sig bragðið úr kryddjurtunum og víninu og margs konar kryddjurtir koma við sögu í sósunni. Augnbaunirnar eða Black Eyed Peas kóróna síðan réttinn.
Árum saman hefur döðlu- og gráðostur þótt afbragð með grísalundum og þekktar eru uppskriftir þar sem lundirnar eru fylltar með þessu góðgæti.
Það er hægt að nota nokkrar útgáfur af nautasteik með þessari uppskrift, t.d. Ribeye, lund eða T-bone enda er það meðlætið sem er í aðalhlutverki hér ekki síst sósan sem kemur frá Piemont á Norður-Ítalíu en þar er hún kölluð Bagnet Ross.
Diane er sósa sem passar einstaklega vel við nautakjöt, hvort sem notuð er T-Bone, Ribeye eða nautalund. Sósan er mjög fljótleg og hægt að gera á meðan að kjötið jafnar sig eftir steikinguna.
Það þarf ekki að hafa mikið fyrir hreindýrakjöti til að það njóti sín. Hér dregur síder- og koníakssósa fram það besta í kjötinu ásamt rösti-kartöflum með beikoni og púrru.
Það er rík hefð fyrir því að elda önd bæði í Frakklandi og Kína og hér mætast brögð úr þessum tveimur megineldhúsum í sósunni með öndinni.
Það mikilvægasta við góða andaruppskrift er oft sósan. Hér er hún þykk og bragðmikil með rúsínum og grænpipar.
Er virkilega hægt að nota kók í sósu með góðum árangri? Uppskrift sem birtist í Jólablaði Morgunblaðsins fyrir tæpum áratug vakti upp þá spurningu. Uppskriftin hefur verið þróuð áfram og tekið nokkrum breytingum, meðal annars hefur smá rauðvín bæst við samhliða kókinu í sósunni, sem gefur henni meiri þyngd og dýpt og mildar sætuna.
Það er því miður ekki hægt að ganga að kirsuberjum vísum á Íslandi allt árið. Það er þó helst á þessum árstíma sem miklar líkur eru á að rekast á kirsuber í búðum. Það er hægt að nota bæði fersk og frosin ber í þessa uppskrift og sömuleiðis er tilvalið að frysta fersk ber þegar þau eru fáanleg.
Græn sósa eða Salsa Verde er ítölsk kryddjurtasósa sem hentar afskaplega vel með jafnt fiski sem grilluðu kjöti.