Hér breytum við hinu klassíska pestó örlítið og gerum yndislega mjúkt rjómapestó. Í stórmörkuðum er hægt að fá ferskt, fyllt ravioli.
- 600 g kjúklingabringur/lundir
- 100 g pancetta (eða beikon)
- 4-5 hvítlauksgeirar, saxaðir
- 500 g ravioli, t.d. með ricotta og spínati
- 2,5-3 dl pestó
- 2 dl matreiðslurjómi / rjómi
- salt og pipar
Skerið kjúklinginn niður í bita. Saxið pancetta smátt. Hitið örlitla olíu á pönnu og steikið kjúkling og pancetta þar til að kjúklingurinn hefur tekið á sig góðan lit, 5-7 mínútur. Bætið þá söxuðum hvítlauk út á og hrærið vel saman. Saltið og piprið.
Blandið saman pestó og rjóma. Setjið út á pönnuna, lækkið hitann og leyfið að malla í nokkrar mínútur þar til að sósan er orðin heit og kjúklingurinn fulleldaður.
Berið fram með nýrifnum Parmesanosti og góðu salati.
Með þessu hentar góður Valpolicella t.d. frá Lamberti.
