Þetta hvítvin kemur frá Toskana á Ítalíu og er framleitt af vínhúsinu Castello di Querceto. Raunar er það vínhús þekkt fyrir flest annað en kassavín en féllst á að framleiða tvær beljur, aðra hvíta og hina rauða, fyrir tilstilli eldhuganna Arnars og Rakelar í Vín og Mat.

Ripasso er aðferð sem notuð er við víngerð í Valpolicella í Veneto á Ítalíu. Þegar safinn er skilinn frá í lok Amarone-víngerjunarinnar er afganginum, þykkum sætum massa, blandað saman við ungt Valpolicella-vín og gerjunin kemst í gang á nýjan leik, Að því búnu er vínið látið þroskast á tunnum.

Þetta rauðvín frá Chile er blanda úr tveimur þrúgum, Carmenere og Cabernet Sauvignon, sem báðar eiga uppruna sinn að rekja til Bordeaux í Frakklandi. Sú fyrrnefnda hvarf hins vegar nánast með öllu úr rækt í Frakklandi en fyrir nokkrum árum kom í ljós að þúsundir hektara í Chile sem menn töldu vera Merlot reyndust í raun vera Carmenere.

Chateau Bonnet er vínhús á Entre-deux-Mers-svæðinu í Bordeaux í Frakklandi og ættaróðal Lurton-fjölskyldunnar. Rauðvínin eru blanda, nokkurn veginn í jöfnum hlutföllum, úr þrúgunum Cabernet Sauvignon og Merlot.

Sunrise er ein af ódýrari línunum frá chilenska vínrisanum Concha y Toro. Enn og aftur sýnir þetta fyrirtæki hins vegar að það hefur náð ansi góðum tökum á því að framleiða vel frambærileg vín í miklu magni.

Hvít Búrgundarvín eru hin upprunalegu Chardonnay-vín þótt oftast sé þrúgunnar ekki getið á flöskumiðanum. Þau algengustu hér á landi hafa verið Chablis-vínin frá norðurhluta Búrgunds og Pouilly-Fuissé frá suðurhlutanum.

Einn merkasti framleiðandi hvítvína í Alsace (Elsass) í Frakklandi er Domaine Weinbach. Fyrirtækið á um 26 hektara af ekrum á Kaysersberg-svæðinu. Vín undir merkjum Weinbach hafa verið framleidd frá 1612 er Capuchin-munkar hófu þar víngerð.

Vínin Brunello di Montalcino eru með bestu vínum Ítalíu og kosta skildinginn þótt þau séu vissulega langt í frá jafndýr og mörg önnur vín, ekki síst ef miðað er við gæði en ekki nafn og orðstír.

Vínið Secco-Bertani er eitt af þeim vínum sem keppir um titilinn fyrsta ripasso-vínið. Til að skilja hvað ripasso er þurfa menn fyrst að átta sig á því hvað amarone-vín eru.

Casalferro er eitt af stóru vínum Toskanahéraðsins og er annað af bestu rauðvínum sem baróninn Francesco Ricasoli framleiðir í Brolio-kastala. Saga Ricasoli og Brolio er sérstök en nánar um hana má lesa hér. Þegar Francesco Ricasoli setti sér það markmið, eftir að hafa endurheimt víngerðina frá alþjóðlegu stórfyrirtæki, að framleiða vín í hæsta gæðaflokki var Casalferro vínið sem kom Brolio á kortið á nýjan leik.