Einfaldleikinn er oft bestur, ekki síst þegar um ítalskar uppskriftir er að ræða. Í upprunalegu uppskriftinni er gert ráð fyrir pancetta, sem er svínasíða, ekki ósvipuð beikoni. Best er að nota eins þykkt beikon og þið finnið.
Ragú er það orð sem Ítalir nota yfir kjötsósu með pasta og sú þekktasta þeirra er sú sem við köllum bolognese. Þetta afbrigði af ragú kemur frá Sikiley og gefa grænar baunir henni aukið brag
Þetta er rammítölsk sveitauppskrift þar sem flysjaðar paprikurnar gefa bragð og sætu. Í hinni upprunalegu ítölsku uppskrift er gert ráð fyrir alvöru Pancetta-beikoni, sem því miður er ekki fáanlegt hér. Best er að nota þykkasta og mildasta beikonið sem þið finnið.
Risotto er yfirleitt eitthvað sem menn tengja við matargerð Norður-Ítalíu. Þessi uppskrift kemur hins vegar frá suðurhlutanum, nánar tiltekið frá Basilicata
Það eru tómatarnir sem leika aðalhlutverkið í þessari uppskrift. Smassaðir tómatar eða Pomodorini Schiaciatti eru aðferð sem vinsæl er í Púglíu. Það er best að nota litla safaríka tómata, t.d. heilsutómata eða kirsuberjatómata.
Sveppir, furuhnetur, tómatar, steinselja og beikon gefa þessum rétti bragð og rjóminn gerir sósuna mjúka og milda.
Fennel er bragðmikil jurt sem á uppruna sinn að rekja til MIðjarðarhafsins. Fennelkrydd er unnið úr „fennelfræunum“ sem munu víst í raun vera ávextir jurtarinnar, laufin eru góð kryddjurt og belginn er hægt að nýta á margvíslegan hátt líkt og við sjáum í þessari uppskrift.
Þetta er svolítið öðruvísi aðferð við eldun á lambakótilettum en við erum vön enda kemur hún frá Suður-Ítalíu. Hvort sem er í Kalabríu, Kampaníu eða Púglíu er algengt að rekast á lambakótilettur eða bógsneiðar af lambi eldaðar með ólívum og sítrónu.
Skelfiskur nýtur mikilla vinsælda við Miðjarðarhafið og í sjálfu sér er ekkert sem mælir gegn því að við tökum upp sömu siði. Sjórinn við Ísland er fullur af skelfisk og á nokkrum stöðum við landið, s.s. í Eyjafirði, er farið að rækta hann með góðum árangri.
Á Suður-Ítalíu, hvort sem er í Púglíu eða Sikiley, er mjög algengt að fá á borðið disk með brokkólí-pasta. Í Púgliu er algengt að nota Orecchiette-pasta (litlu eyrun) en það má nota margar aðrar tegundir af þurrkuðu pasta, t.d. Penne.